"Вÿдыш пурен возым"

Йоча-влак дене погынен, ме кугу вÿдым ончаш кайышна.
Вÿд тÿрыш миен шуна. Ончена, изи гына таляка пуш шинча. Ме кумытынат пуш дене кошташ шонышна.
Пушыш пурен шична. Каяш тырванышна. Сайынже але куэнжат она мошто. Изиш лиймек, кугу туме тÿҥыш миен керылтна. Мый тыманмешке вÿдыш шуҥгалым. Изи пушна тайналтыш, вÿд пурен кайыш. Пушысо вес йоча-влакат чыла нöреныт. Вÿд темын.
Йöра, сер тÿрышто вÿдшо келге оклы ыле. Мый шÿ даҥыт гына пурен каенам.
Серыш келын лектым. Вургемеме кудашым, пунчальым. Велоспиедеш шинчым да мöҥгышкем кудальым. Йолташем-влакат ышт код, нунат велосипед дене миеныт ыле.
Ачам вÿдыш пурен каймем пален огыл. А авамже шылталыш.
- Тöчен коштат, - манеш. – Теве иктаж гана пуренак кает.
Но мый пурен каен омыл. Ындыже кугу улам. Вÿд тÿрыш кошташ пеш йöратем.

Герасимов Леонид
1964 г.

  К содержанию "Изи годымна"