Титульная
Биография
Фотографии
Воспоминания
Произведения
Вечер памяти
|
"Волжск олаште"
(Сочинения учащихся, в обработке С.М.Кушакова)
 Икана кастене мемнан ончыко легковой машина тольо. Ме тушко лекна. Машина гыч Васик изай лекте. Мыланем ойла:
- Айда Волжскыш, - манеш.
Мыят келшышым. Пöртанурыш шуна. Тушто пеш лавран. Пижын шична. Машинам шÿкен луктыч. Ситыдымыже, каймына годым кÿдырчан йÿр тÿҥале. Васик изаймытын Колькаже мален колтыш. Ме Волжскыш миен шуна. Васик изайын квартирышкыже кайышна.
Эрдене Васик изай пашаш кайыш. Ме Колька дене пазарыш кайышна. Тушто кокаймытын Васикшым ужна. Тудат мемнан ужо. Ме кумытын пазар гыч лекна. Вара «Авиационная» лÿман уремым кычалаш тÿҥална. Ола мучаш шумеш шуна, туштат уке. Кычал коштмына годым кÿдырчан йÿр тÿҥале. Колька шорташ тÿҥале, лÿдын.
Ме вашкерак квартирыш куржын колтышна. Васик изай тольо. Кычалме уремнам ончыктыш. Ме кайышна. Миен толмекна Васик изай мöҥгыш толаш тарватыш. Ме таксим кÿташ кайышна. Тушто кокайым ужым. Мый тушан кодым. Кокай дене Волжскышто кок кече илышым.
Соловьева Ольга
1964 г.
 К содержанию "Изи годымна"
|
