"Весела олык"

Июль тылзе. Олыкышто шудым солаш жап толын шуо. Кугуеҥ-влак савам налын, а йоча-влак шаньык ден краплям налын, каят.
Мемнан олыкна Олык-Тÿр ял воктене шарлен возын.
Олыкышто ме машина дене коштына. Ондак ме пуш дене вончена ыле, а тений пуш дене вончаш ыш логал: вÿд налын огыл ыле.
Миен шуна. Изиш гына каналтышна – кочкаш пукшышт. Мемнан поварна теният Василий Озеров лийын. Тудын полышкалышышт Морозова Аля, Субботина Зоя да Лунина Настя улыт. Мыланна нуно кильки шÿрым шолтеныт ыле.
Кочмек, ме, краплям налын, шудо чумыраш кайышна. Копнам ыштен шогалтылна. Почешнак носильщик-влак копанм скирд тÿрыш наҥгаен шындедат. Кугуеҥ-влак тудым скирдыш кышкат.
Ме пешак сайын, куанен пашам ыштышна.
Шижде кечывалат шуын кайыш. Кочкаш кайышна. Бригадир Арсений Герасимов фамилийнам возыш. Ӱшкыж шылшÿр пеш тамле ыле. Мыланна шылымат пуэдышт.
Кочкын теммек, йÿштылаш кайышна. Толна веле, бригадирын йÿкшым колна:
- Пашашке!
Краплянам налын, меат моло ден пырля пашашке вашкышна.
Олыкышто пеш весела ыле. Йоча-влак воштылыт, юарлат – чыланат пеш ала-мом ойлат: кö туштым, кö йомакым.
Первый кечыштак ме кечывал деч ончыч кум скирдым, кас марте адак ныл скирдым ыштышна. Куд шагат кас шуо. Ме кочкышым налын, мöҥгышкö кайышна. Мöҥгыш мемнан адак машина денак кондышт.

Михайлова Галя, 6 «б»

  К содержанию сборника "Олыкышто"