"Уржам шупшыктымаште"

Ме уржам шупшыктышна. Уржам шупшыктымаште мыланем пеш келшын. Ме нылытын пашам ыштышна: Вася, Лёня, Геннадий шольым да мый.
Ме уржам машина дене шупшыктышна. Шофёржо Куликов ыле.
Комбайныште бункерже темын да комбайнер Долганов шкенжын почётный флажокшым рÿза. Ме шофёрлан:
- Бункер темын, - манына.
Шофёр Куликов машинажым тарватыш да комбайн деке намиен шогалтыш. А ме кузывышто рожлам петыркалена, тидлан рожлашке мешакым шукшедышна.
Комбайнер бункер гыя уржам ястарыш. Ик бункер, весе машинашке ястаралтыч.
Машинышке кок бункер пурыш. Кузов теме да идымыш тарванышна. Ончыч автовисаш пурышна, тыште висышт да варажым идымыш ястараш кудална.
Идымыште машина кузов гыч уржам ястарышна.
Кечевал эртен. Ме адак пашаште улына. Теве ик бункер уржа кузывышто уло, а весе теммешке ме коремышке пÿкш кочкаш волышна. Тыште ломбыгичкат шуко ыле. А Вася ден Геннадий комбайн дене шинчын кошташ пеш йöратат. Нуно Долганов деч огытат ойырло.
Тунам нуно оҥайым ужыныт. Комбайнер Толя Долганов тÿредшаш корнышто ала-могай яҥлыкым кенета ужын.
- Ала-мо кудалеш! – кидше дене тудо ончыктен.
Вася ден Геннадий тушко чот куржыныт. Но янлыкым коремлаште йомдареныт.
Ме тиде жапыште Лёня дене кузовышто ончен шогышна. Нуно мöҥгеш пöртыльыч, янлыкшымат пален кертын огытыл.
Тиде кечын ме вич рейсым ыштышна. Мыланем тиде паша пеш келшыш.

Борисов Валерий, 6 «б»

  К содержанию сборника "Олыкышто"