"Тумнам ужынам"

Мый уремыште модам ыле. Йоча-влак пеш кычкырат:
- Тумна! Тумна! – маныт.
Тумна ÿэ вуйыште шинча.
Мый мöҥгышко пурушым. Ачамлан каласышым. Ачам пычалым нале да чулан окна гычак лÿйыш. Тумна ÿлык камвозо.
Тумна ыш коло. Ачам лекте да тумнам йолжо гыч кылдыш, пöртышкö пуртыш. Тумнам койка йолеш йолыштен шындыш. А мый койкышто шинчем ыле. Койка гыч волашат лÿдынам. Туман тöрштылеш веле. Лачак тунам кочмыла ыле. Мый лÿдынам да кочдеак маленам.
Эрдене Гриша дене тумнам товар дене руална. Вара коремыш наҥгаен шуышна.
Тунам мый изи ыльым. Пунжым кÿрын налаш кÿлеш ыле, а виляжым вынемеш урыман ыле. Ме тунам тудо шотымат пален огынал.

Долганов Герман
1964 г.

  К содержанию "Изи годымна"