"Скирдовкышто"

Ик эрдене мый вÿдым нумал толам ыле. Бригадир Кунаков Геннадийым вашлийым.
- Володя, имньым кычке, таче скирдовкыш лектына, - манеш тудо.
А мый пашам ыштыш пешак йöратем. Тиде ойым кольымат, пеш йöратышым. Вÿдем вашкерак наҥгаен шындышымат, конный дворыш каяш тарванышым.
- Куш каяш тарванет? – авай йодеш.
- Конный дворыш, имне кычкаш, - манам. Шкеже пеш писын имне вÿташ куржын колтышым.
Имньым кычкымекем мöнгыш толын кочкым, пасуш скирд ыштымашке лектын кайшым.
Пасушто мый имне ÿмбак кÿзен шинчым. Мыланем имне почеш копнилкым пижыкте пуэдат, мый куш кÿлеш – шупшыктем. Паша пеш писын шолеш. Кечывал марте ныл скирдымат ыштышна. А кечевал деч вара адак вич скирдым ыштен шуктышна.
Тыге первый кечынак мемнан паша ятырлан ушныш. Мый кеҥеж гоч тыге пашаш эре лектынам, колхозышто ятыр оксам ыштен налынам.

Владимир Дубовников, 6 кл.

  К содержанию сборника "Олыкышто"