"Силосым оптымаште"

Эр кече вашке лектеш. Шке кечыйолжым мланде ÿмбак шарен, лупсым кошта. Теве кÿтучын пуч пуалтымыже шоктыш, кÿтÿ лектеш.
Тиде жапыште велосипед дене бригадир кудал эртыш. Тудо еҥ-влакым силосыш луктеш. Шукат ыл лий, колхозник-влак савам, шаньыкым налын, силос оптымашке вашкат. Тунемше-влакат тиддечын огыт код. Меат, шаньыкым налын, силос оптымашке вашкена.
Теве шукын погынышт. Кугуеҥ-влак, касалык дене шогальычат, кужу да кужгу вурган кукурузым силослан солаш тÿнальыч. Нуно кумдан солалтат, ончыко да ончыко вашкат. А нунын почеш шаньык дене изи орам ыштенак мият. Меат полшена.
Вашке, нугыдо пуракым тÿргыжтен, машина кудал тольо. Ме, йоча-влак, машинаште кошташ пеш йöратена. Садлан, шоҥгырак-влакым орам ышташ коден, шкеже кукурузым шупшыктымашке куснена. Машинашке солымо кукурузым оптена, оптен ситаренат, кÿзен шинчына, кудал колтена.
Ме корнышто я мурен, я йомакым колнет каена. Машинаште кудалаш сай! Машина писын кудалеш, мардеж шÿшка, шÿргывылышнам чыгылта, ÿпым тарватылеш.
Машина силос вынем дене кудал тольо. Ме писын ястараш тÿнална. Ӱлычын доярка-влак шаньык дене силосорезкыш оптат. Тушечын тыгыде-тыгыде лыштык-влак пÿчкедалт лектыт. Пÿчкеден тыгыдемдыме кукурузым вынемыште трактор трамбовая. Ястарен пытаренат, уэш солымашке кудалына.
Кечываллан пашам ыштыше-влак кочкаш каят. А ме, йоча-влак, кочдемоде йÿштылаш куржына. Леве вÿд. Могай сай! Сер гыч серыш ийын кает, да адак мöҥгеш толат. Йÿштыл толынат, кочкаш шинчына. Ончет, еҥ-влак пашаш каятат. Вуй ÿмбалнышт, восстанийыш кайышынла, савашт, шаньыкыш чолгыжеш. Меат, юватыл шинчыде, пашашке вашкена.
Тыге ик рейс, весе, кумшо… Кечыгут шуко рейсым ыштена. Шкенан кокымшо бригадын 10 гектар кукурузыжым вашкен поген нална, фермысе вольыклан телылан сай кормам ямдылышна.
Тылеч посна мый моло пашамат ыштенам, родной колхоземлан полшенам.

Люся Чулкова, 8 «б»
1965 г.

  К содержанию сборника "Литератор № 7"