"Шошым колым кучымаш"

Ме колым кучаш кайышна. Шошо ыле. Мыланна вÿд гоч вончашна логале. Резиновый пушым овартышнат, вончен кайышна. Куп гоч каяш логале. Кем дене куп гочат келын кйышна. Пÿнчер дене кайышна. Вÿд тÿр воктене ошкылна. Тыште кол ыш логал.
Тышеч Элнетыш кайышна. Тыште сер гыч крапля дене удыраш тÿҥална. Кол ада ыш логал. Монгыш толаш лекна. Пÿнчерыш шуна. Пÿнчереш краплянам кодышна. Кугупыш кайышна. Нöлпер коклаште лудо шинча ыле. Мемнам тудо ужо да шыле. Ме умбакла кайышна.
Чÿчÿ тыште нöлпышкö кÿзен шинче. Нöлпö вуй гыч вÿдыш ончаш, шымлаш тÿҥале. Вÿдыштö кол-влак пеш модыт. Яндар вÿдыштыжö нуно кÿшыч рашак койыт. Кенета чÿчÿ лÿен колтыш. Кол комдыкла лийын, вÿд ÿмбак лектын возо. Коллан логалын.
Мый адак серыште шинчем, куэ воштырым пурам. Куэ воштыр гыч вÿд чыва. Мый куэ вÿдшым шупшаш тöчен шинчем. Тиде жапыште адакат лишнемак пычал йÿк шоктыш. Иканаште кок кол логале. Адак ик гана пычал йÿк шоктыш. Колым адак кучышна.
Мöҥгö толаш лекна. Толына ыле, пÿнчер коклаште лычыр-лочыр! шоктыш. Ала-мо шылын кудале. Краплянам нална да куп гоч вончышна. Мöҥгышкына пакча гоч толна. Мыйым павай йомдарен улмаш.
- Молан ойлыде кает, - манеш.
Паваем мыйын верч тургыжланен. Мый тудым чаманышымат. Но шуко кугу кол-влакым кучымына мемнан куандарыш.
Пычал ден кол кучымым мый але ужын омыл ыле.
А ынде палем: тыгежат кучаш ок йöрö улмаш. Веет кол-влак сер лишке шыгырышке мöртньым кышкаш толыт улмаш. Шошым каже йöн дене колым куча ок лий.

Лапшинов Юрий
1964 г.

  К содержанию "Изи годымна"