"Шошо кечын"

Мый эрдене эрак кынельым. Тÿгö лектым. Ончем, кугу корем почылтын, пеш шурген йога. Вашкерак туҥгырым нальым да модыш пушым ыштышым. Модаш лектын куржным.
Корем вÿдыштö мый тунаре модынам, ялт норен пытенам. Авам изиш перкаленат нале. Вет мый модмаш гычат кастене иже толынам.
- Эрла модаш от кай! – манеш авам.
- А мый каем, - манам.
- Малаш воч, - манеш. – Нигуш от кай!
- Йöра, - маньым.
Малаш возым. Эрдене авам адак ойла:
- Таче модашет ит лек, - манеш.
Мый нимат ом ойло. Коҥгамбак кÿзен кайшым. Кийшым да волышым. Тыгай кечыште кузе чытен киет?
- Пум пурто, - манеш авам.
Пум пуртен пуышым. Уке, чытен ыжымак керт! Авамын савырнымыжым веле вучен шуктышым, уремышке модаш лектын куржым. Кас марте модым.

Орехов Арсений
1964 г.

  К содержанию "Изи годымна"