"Шошо каникул"

Чевер шошо каникул эртен кайыш. Уремыште йоча-влак модыт. Пасулаште тумышан пинчакла веле коеш. Уремыште пеш кугун вÿд ташлен. Ме вÿдым корен колташ пижна. Кöн кольмыжо уке кын, тоя дене да толашат. Нер ночкым уштылашат жап уке, толашат.
Ик кечынже акам дене оралте ÿмбалым лум деч эрыктышна. Акам ден коктын оралте ÿмбак кÿзышна. Мый акамлан лумым колтышым. Тудат мыланем колтыш. Мыланем кидешем логале. Кольмем яклеште, мучыштыш. Мый оралте ÿмбач ÿлыкö, лумыш! Кум кече наре могыр корштен кошто.
- Кужу модыш – ÿш почан, - манеш авам. – Утыжым толашыман огыл ыле.
Кум кечыланже шорык кÿташ кайшым. Йоча-влакат мийышт. Тушан ме мераҥым ужна. Чынжым гын, мераҥ кÿтÿм ужна: вич мераҥ ыле! Ме нунын почеш пеш чот поктен куржна. Мераҥ-влак кудалыт, ме почешышт куржына. Шинчам пыч ыштыде ончен куржшемла, шижынат шым шукто, тазыла сайремеш «баз-льоп!» камвозым! Йыр-ваш лавра шыжалт кайыш! Почешем куржшо йоча - мыйын гочем унчыли-вуйын камвозо!
Кынел шогална, почкалтышна. Мераҥнам ончална – мераҥ-влакнан почыштат, кышаштат ок кой. Йолашнам лавра деч пунчална да, мöнгö савырнен кайышна. Шорыкым пеш веселен кÿтышна. Мочол воштылтышыжо ыле! Мераҥ-влак нергенат ятыр кутырен шинчышна.
А вес гана ме уремыште куршталына ыле. Юлышто катер иеш. Сигналым пуа. Тудо ятыр кыкырен шогыш. Тудо Элнетышкак пурен ыле. Варажым Элнет гыч савырнышат, мемнан лишке ерышке тольо. Серышке шинче. Бензин баллонным ястарышт.
- Шичса, - маныт, мыланна ойлат. Йöршеш палыдыме еҥ-влак улыт.
Ме ыжна аптране. Почешышт машинный отделенийыш кайышна. Тушто колшÿрым поснак мыланна шолтен ончыктышт. Варажым чыланамат катер дене шынден кондыштыч.
Каникулнам ме пеш сайын эртарышна. Пеш весела ыле.

Бородин Андрей
1964 г.

  К содержанию "Изи годымна"