"Плачым тошкышна"

Икана ме олыкыш шудо удыраш каяш тарванышна. Мый авамлан ойлем:
- Авай, таче шудо удыраш каем мо?
- Кае, - мане авам.
Мый пеш куанышым. Краплям нальымат, Галя дек куржын колтышым. Галя йолташем мыйым лачак уремыште вучен шога ыле. Трук ала-кучеш мемнан бригадирна Майков Аркадий толеш. Тудо мыланна ойла:
- Вашке олыкыш кайза.
Ме Галя ден олыкыш кайышна. Тушто еҥ-влак уже удырат ыле. Меат удыраш тÿҥална. Удырена, плачым ыштена. Пижыктен колтена. Тыге пеш веселан кечывал марте пашам ыштышна.
Кечывал деч вара адак удыраш кайышна. Удырышна, плачым ыштышна. Галян крапля пÿйжо кÿрлын кайыш. Галя ойла:
- Мый тек ом шÿко.
- Айда тугеже плачым ыштена.
- Ай, мыйын адак вес крапля пÿйжат кÿрлын кая, - Галя ойла. – Айда лучо плачым тошкена.
- Айда, - маньым мыят.
Галя ден плачыш кÿзен шогалынат, воштыл-воштыл тошкена. Маруся мыланем ойла:
- Галина, шудо ÿмбак кÿзен воч, ато шудо носилка гыч лектын возеш.
Мыят шудо ÿмбак кÿзен возым, Лида ден Маруся мыйым нумал куржыч. Вес плач ÿмбак йöрал пыштышт да ÿмбакем шинчын толмо шудем йöрал пыштышт. Мый шудо йымалне кием. Воштыл-воштыл лектымат, уэш шудым удыраш тÿҥална. Тыге веселан кас марте шудым удырышна, плачым тошкышна.

Яковлева Галина, 6 «б»

  К содержанию сборника "Олыкышто"