"Пий деч лÿдыныт"

Икана ме йоча-влак дене поҥгым погаш кайышна.
Поҥгым погышна, погышна, кенета умбалне ала-мо шемын койо. Ме лÿдынат колтышна.
Ик йочаже ойла:
- Ида лÿд, - манеш. – Тиде пий коштеш.
Вернак, умбакрак кайышна, пий улмаш. Варажым ме ыжнат лÿд. Чыла арам лÿдмынат пытыш. Поҥгым адак ятыр погышна.
Поҥгым поген ситарышнат, мöҥгö толаш тарванышна.
Мöҥго толмеке, авамлан ме мо деч арам лÿдын улына, чыла каласкалышым. Авам воштылеш.
- Жапше дене пий дечат лÿдат, - манеш.
Но ме тунам изи лийын улына. Кугу лиймекат пий деч кö лудеш?

Арбузова Лидия
1964 г.

  К содержанию "Изи годымна"