"Олыкышто пеш сай"

Мый кеҥежым силосыш, скирдовкыш коштынам да олыкышкат миенам. Олыкыштыжо поснак пеш келшыш. Тышке машина дене наҥгаят, машина денак конден колтат.
Олыкыш миймек пукшат, пашам ышташ пуш дене вÿд гоч вончен коштман. А вÿд воктен кошташыже могай оҥай! Вуд гоч вончымек, тушто ме шудым удырена. Онат шиж, ала-кузе кечывалат шун кая. Тунам ме мöҥгö вÿд гоч вончена, омаш деке чумыргена.
Омаш-влак дене мемнан кечывал кочкыш лиеш. Кÿмыж-совлам мушкынат, йÿштылаш каена. А йÿштылашыже могай сай! Вÿдшо леве, яндар.
Кас шуэш, кугуеҥ-влак мöҥгышкышт каят, а ме, йоча-влак, олыкешак малаш кодына.
Олыкышто шудо паша годым лагерь гаяк чучеш. Олыкышто пеш сай да весела.

Муравьева Зоя, 6 «а»

  К содержанию сборника "Олыкышто"