"Ме машина дене"

Мемнан деке Кунаков Геннадий тольо да мане:
- Валерий, тый шурно шупшыкташ миет мо?
- Мием, - манам.
- Миет гын, Пистерышке кай. Белкин Геннадий тушто тыйым вуча, - манеш. Шкеже мотоциклжым заводитлыш да кудал колтыш.
Мыят кинде кольмым нальым да вашкерак Пистерыш куржын колтышым. Идым дене, чынак, Белкин Геннадийын машинаже шога ыле. Мый вашкерак кузовыш кÿзен шинчым, орол пöрт гыч шофёр лекте.
- Тый мый денем кошташ тÿҥалыт мо? – манеш.
- Мый коштам, - манам.
Шофёр машинажым заводитлыш да пасушко кудал колтышна. Ме Ложаш куп деке миен шуна. Шофёр Белкин ойла:
- Комбайн гыч сигналым пуат гын, вара мыланем шижтаре, - манеш.
Мый дечем посна тыштак весат ыльыч. Яра шогымына годым ме машинан ныл угылешыжат мешак-влакым шогалтылна, рожлажым петыркалышна. Тиде жапыште комбайнер мыланна сигналым пуыш. Ме шоферлан увертарышна. Тудо машинажым тарватыш да комбайн деке намиен шогалтыш.
Комбайнер бункерже гыч уржам машинашке ястара. Уржа писын йога, кузов темеш да темеш. Ястарен пытарышат, адак тÿредаш тÿҥале. Шукат ыш лий, мыланна адак картузшым рÿза, мияш ÿжеш. Ме кудал мийышна, бункер гыч уржам адакат ястарен нална, писын Пистер идым велке кудал колтышна. Шофёр тыште машинам сарай леваш йымаке пуртыш. Тышан уржам ястарышна.
Тыге тиде кечын шым машина уржам идымышке шупшыктышна. Машинашет пашам ышташ сай.

Герасимов Валерий, 6 «а»

  К содержанию сборника "Олыкышто"