"Малыш дене"

Ояр кече. Еҥ-влак скирдовкыш каят. Ончем, Владик, Геннадий да Леонид, шöрмычым налын, конный дворыш ошкылыт. Мыят нунын почеш куржаш тÿҥальым. Поктен шуымат, ойлем:
- Мо скирдым ышташ каеда?
- Уржа скирдым, - маныт нуно.
Чыланат имньым кычкен, скирд ышташ кудал колтышна. Миен шумеке, изи каналтышна. А варажым паша ышташ пижна.
Кечевал деч ончыч кум скирдым ыштышна. Вара кечываллан мöҥгыш пöртылна. Кок шагатлан уэш пашаш кайышна. Пашам ыштен пытарымеке, бригадир Арсений Максимович тольо да возаш тÿҥале.
Кечывал деч вара кок скирдым ыштышна. Мемнан коклаште шоҥго Элександр кугузыай ыле. Тудо ойла:
- Мöҥгышкыдат каен кертыда, - манеш.
Ме мöҥгыш каяш лекна, пеш чот кудална. Мыят «Малыш» имнем дене йолташем-влак почеш чымем. Кенета скирд шеҥгеч кагаз пöрдын лекте. «Малышем» лÿдмыж дене öрдыш тöрштыш. Мыетат имне ÿмбач шижде унчыли-вуйын койым. Йоча-влак воштыл эртен кудальыч. Но мый шым сусырго. Кынел шогальымат, кÿзен шинчын, пеш чот кудал колтышым.
Имне дене кошташ мый пеш йöратем. Тыге мый тиде кечын «Малыш» дене скирдовкыш кошташ тÿҥальым.

Лебедев Николай, 6 «б»

  К содержанию сборника "Олыкышто"