"Лÿдыктыш"

Мемнан пырысна пеш кугу. Тудын кок игыже уло. Ик игыжым пошкудо йочалан пуышна.
Кас лиймеке, малаш вочна. Мыйын пылышемлан ала-мо шоктыш. Шинчам почым, ончем – ÿстембалне ала-мо коеш. Лÿдмем дене кычкырал колтышым.
- Авай, - манам, - ÿстембалне ала-мо коштеш.
- Мо тушто тугай, - манеш авам.
Ме кынелна, тулым чÿктышна. А ÿстембалне пырыс иге шöрым йÿын шинча.
- Эх, тый, - маньым, - мыйым тынар лÿдыктышыч!
Мый тудым кÿвар ÿмбаке поктен колтышым. Вара, тулым йöртен, авам дене малаш вочна.

Ольга Тимофеева, 8 «а»
1968 г.

  К содержанию сборника "Весела кеҥеж"