"Лесхозлан полыш"

Лесхоз гыч мемнан школыш еҥ-влак тольыч. Нуно школьник-влакым тумлегым пегымашке йодыч. Ик чевер шыже кечын ме, школьник-влак, тумлегым погаш кайышна.
Каваште нимогай пылат уке ыле. Шокшо шыже кече. Мардежат уке. Ме класс ден класс ойырлен кайышна. Чодраште шуко тумлегым погышна. Тумлеге пеш шуко ыле. Чара верлаште йошкаргын коеш, кия. Лышташым кораҥдетат, опталме гай коеш. Погымаште пеш оҥай ыле. Лышташ кÿшыч вый-вый велеш, тумлеге поче-поче тып-топ шокта, камвозеш. Чаравуян йоча-влакын вуешышт шот гына шокта, нунышт воштылыт. Шотдымо сöсна-влак коштыт, нунат тумлегым кочкаш толыныт.
Шукат ыжна кошт, кажне класс ик мешак тумлеге гыч погышна. Канаш шична. Тунемше-влакым шотлен нална, Вачис ден Виктор уке улыт. Леник ден Арсик кычалаш куржын колтышт. А нунышт лач чодра кокла гыч лектыт ыле. Нуно ик ведрам да ик корзинкам тичак теменыт. Леник Вачисын ведражым налын кондыш. Нуне пеш ноеныт да пÿжалтыныт ыле.
Тиде кечын ме кандаш мешак наре тумлегым погышна. Вара кö мыняр ведрам але мыняр корзинкым погымо нерген ойлышна. Туныктышо-влак кö шуко да сайык погышым моктен каласышт. Лесникат мемнан денак ыле. Тудат строй ончылно поро мутым каласыш.
- Те, - мане тудо, - шкендан изи кидда дене пеш кÿлешан да кугу пашам ыштен пуышда. Погымо тумлеге деныда ме толшаш ийын у шуко гектареш тумым кушташ тÿҥалына, у чапле тумерым куштен кертына. Тау тыланда лесхоз лÿм дене! – мане.
Ме, йоча-влак, совым кырышна. Ыштыме пашаланна ме шкежат куаненна.
Мöҥгыш толшыла мый поҥгым поген тольым. Кокымшо классыште тунемше Петров чодраш йомын кодын ыле. Ме тудым вучышна. Мöҥгышкö чыланат веселан толын пурышна. Веет чодраштыже шыжым могай сай!

Суворова Галина
1964 г.

  К содержанию "Изи годымна"