Титульная
Биография
Фотографии
Воспоминания
Произведения
Вечер памяти
|
"Кузе Казаньыш миенам"
(Сочинения учащихся, в обработке С.М.Кушакова)
 Ме эр кынелна. Ачам мыйым Казаньыш наҥгаяш лийын. Мый пеш куаненам.
Магазин ончык кайышна. Такси тольо. Шична, Звенигыш миен шуна. Столовыйыш пурышна, кочна. Пристаньышке кайышна. Пароход тольо. Пароход дене кайышна. Пароход Козловкаш шогале, но мет ушан ыжна воло. Пароход дене Казаньыш миен шуна. Волышна. Казаньыште пеш кугу пöрт-влак улыт. У пöрт-влакымат шуко тÿҥалыныт. Магазинлашке пурышна, шуко модышым ужна. Ачам мыланем печеньым налын пуыш.
Уремыште тÿрлö машина-влак кудалыштыт. Ме автобусеш шична. Малыме верыш кайышна. Эрдене кынелна. Трамвай дене магазиныш кйышна. Ачам магазиныште школлан ÿзгарым наледыш. Вара пристаньыш кайышна. Тышке ракета тольо. Ме ракетыш шинча. Ракета пеш виян кая. Ме ракета дене пеш шуко кугу пароход-влакымат эртен кайышна.
Козловкаш миен шуна. Ракета тышан шогале. Варажым Звениге пристаньышкат шуна. Тышеч Чуваш-Отарыш йолын кайышна. Ачам Чуваш-Отарыште палыме еҥже дек пуртыш. Палыме еҥже дене малышна. Эрдене кынелна да, палыме еҥже ик котомка олмам пуэн колтыш. Кечвал деч ончыч мöҥгö шуна.
Кушаков Виктор
1964 г.
 К содержанию "Изи годымна"
|
