"Кузе мый Казаньыш миенам?"

Мый Козловкаште илем ыле. Акай ден курскай Казаньыш каяш решитлышт. Мыят нунын дене каяш йодым.
- Наҥгаена, - маныт.
Мый пеш куанышым. Кастене каяш тарванышна. Пристаньыш кайышна, пароход толмым вучена. Пароход латкок часлан кайшаш. Мый окна гыч ончен шинчем. Сигнал шоктыш. Пассажирский пароход толеш.
- Билетна уло? – акам деч йодам.
- Уло, - манеш.
Пароходыш шична. Ӱлыл этажеш верланышна.
Мыйын малымем чот шуэш ыле. Малаш возым. Эрдене помыжалтым, ончем, пароход ала-куш кая. Вара ала-могай печке-влакым ужым. Соляркым оптат улмаш. Теме, каяш тарванышна.
Казаньыш миен шуна, пристаньыш волышна. Олашке лекна. Акам мыланем мороженыйым налын пуыш. Пеш тамле. Олаште ятыр коштна, автобус денат, йолынат. Мöҥгышко толашта жап шуо. Вашке пароход кайшаш. Ме уэш пристаньыш толна. Пароход тольо, ме шична. Сигнал шоктыш, пароходна тарваныш.
- Акай, мый Юл вÿдым ончаш каем мо? – йодым.
- Ончо, - манеш.
Мый пароход нерыш кайшым. Ончем, пеш кугу кÿвар. Кÿвар гоч поезд эрта. Тиде жапыште мый декем ала-могай еҥ шеҥгечем миен шогале.
- Мом ыштет? – кенета йодо.
Мый ала-молан пеш вашкен куржын колтышым. Авам дек миен шым шу, ончем, шкенан классыште тунемше Лапшинов Юрийым ужым.
- Кушко мийшыч? – йодам.
- Казаньыш, - манеш.
- Мыят. Айда пароход шеҥгеке каена, - маньым.
- Айда, - тудат келшыш.
Ме тушто ятыр жап ончен шинчышна. Йÿр тÿҥале, но мемнам ок нöртö. Вара йурат чарныш.
- Те кушан шогалыда? – Лапшинов деч йодам.
- Звениговеш, - манеш. – А тый куш шумеш кает? – мый дечем йодеш.
- А мый Козловкаш, - манам.
Козловкаже Звенигово пристань деч ончыч. Ме тушко миен шуна. Лекме деч ончыч пароходыштак столовыйышто кочна, вара иже лекна. Автобусышко шична да квартирыш кудална.
Тыге мый Казаньыш миен тольым.

Николаев Григорий
1964 г.

  К содержанию "Изи годымна"