"Комбигым ончымаште"

Икана мый, школ гыч тольымат, комбигым ончаш кайшым. Комбиге-влакым купыш колтымо ыле. Пече кöргышто улытат, вÿд дек лектын окыт керт. Ончем, иге-влакше таве дек лектынытат, сöсна почаҥман лавран вÿдым йÿаш тöчат. Пеш чаманышым. Ачам дек кайшымат, ойлышым:
- Ачий, - маньым, - комбиге-влак пеш йÿнешт, лавран вÿдым, да йÿаш тöчат.
- Атышт уке мо? – ачам йодеш.
- Уке, - манам.
- Ну, тугеже атым нал да наҥгает пу. Вÿдшым луктын кертат мо? – йодеш ачам.
- Кертде, - манам мыйже. – Мый але марте ала-мынярат вÿдым таве гыч шкетынак луктынам.
- Ну, тугеже йöра, - моктыш ачам. – Пеш сай.
Мый изирак атым нальымат, комбиге-влак дек кайшым. Вÿдым йÿктен тольым.
- Вара – йÿктышыч? – йодеш ачам.
- Йÿктышым. Вич атым йÿн колтышт. Узо ден авашт – кок атым йÿк колтышт. А игышт, йÿыч-йÿычат, чыланат йÿштыл лектыч, - манам мыйже.
- Даже йÿштыл лектыч? – ачам öрын. – Вот молодец-влак улыт! А тыят молодец: комбиге-влакым да аваштымат йÿктен кертынат!
- Йÿктышым, да пытартыш ганаланже узо комбыжо йылмемат чÿҥгале.
- Кузе туге? – öрö ачам.
- Вÿд атым шындем ыле, а узо комбо чуш-ш! ыштышат, ате гоч тöрштен, йылмем гыч чÿҥгал шындыш! Э, кокырыкта вет!
- Нимат огыл, тöрлана, - мане ачам.

С.М. Кушаков
18 май 1966 ий