Титульная

Биография

Фотографии

Воспоминания

Произведения

Вечер памяти


"Комбайн гыч"


(Сочинения учащихся, в обработке С.М.Кушакова)


Икана мый уремыште шогем ыле. Бригадир Иван Степанович велосипед денек удал тольо да каласыш:
- Таче тый шурным шупшыкташ кает мо? – мане.
- Каем, - маньым.
Пу кольмым нальым да Колька йолташем дек куржым.
- Куш куржат? – йолташем йодеш.
- Шурно шупшыкташ, - манам. – Айда тыят, Виталиймат ужын кондена.
Каяш тÿҥалына ыле, лачак Виталий йолташнат тольо. Ме кумытын пасуш кайышна.
Каймына годым корно дене машина кудал толеш ыле. Ме чыланат куржаш тÿҥална. Машина мÿкшотар деран шогале. Ме миен шуна, шофёржо чодрашке пÿкш кочкаш пурыш. Тудо Куницын ыле. Кольмым машина кузовыш шуышна да меат чодрашке пÿкш кочкаш пурышна.
Комбайн бункер темшан кодым комбайнер сигналым пуыш. Меат чодра гыч лекна да кузовыш кÿзен шична. Машина комбайн воктек миен шогале. Ме вашкерак рожлашке шÿкшо мешак-влакым шушна. Бункер гыч уржа йогаш тÿҥале. Меат кольмо дене угыллашке шÿкаш тÿҥална. Комбайн ик бункерым ястарыш.
Машина вес комбайн воктек миен шогале. Ястарен пытарыш да машина идымыш кудал колтыш.
Идымыште ястарен шуктымек, машина пеш писын уэш пасушко кудале: вет тушто адакат бункер темеш веле. Тыге кечыгут машина дене шурным идымыш шупшыктышна.
Комбайн гыч шурным шупшыктымо паша мыланем пеш келшыш.



Птицын Владислав, 6 кл.

  К содержанию сборника "Олыкышто"
Используются технологии uCoz