"Колым кучаш полшышна"

Шошо ыле. Вÿд темме жап. Ме йолташем дене Элнет теммым ончаж кайышна. Кайшылана пÿгыльмö погышо-влакым ужна. Кугуеҥ-влак пÿнчым йöрыктат, йоча-влак пÿгыльмыжым погат.
Ме Элнетыш пиен шуна. Эҥер пеш кугун темын. Ме кумытын: Тамара, Валя да мый ятыр ончен шогышна. Тыште еҥ-влак колым куча тыле. Кол кучымыштымат ончен шогышна. Ик колызын сумкажым почын ончшна – колжо пеш шуко ыле.
Тамаралан ойлем?
- Тамара, айда ачатымат ойлена, - манам. - Колым кучыжо.
- Ойлена, - манеш тудат. – Ала кеч ик обедашым куча?
Ме кумытынат куржын колтышна. Ачажлан каласышна.
Тамаран ачажат писын тарваныш, колым кучаш куржо. Меат почешыже ыжна код.
Тамаран ачаже иктым кучыш, весым. Поче-поче пеш шуко кучыш. Ик сумкам тич оптыш.
- Тамара, айда, - манам, - сумкажым ястарен толына?
Коктын куржын колтышна. Ик сумка колым мöҥгышкö намийышна. Тамаран аваже пеш йывыртен. Вес сумкам нална да, адакат куржын колтышна. Тиде сумажат пеш вашке теме. Тамаран ачаже ойла:
- Сита, - манеш. – Колым кучен пытараш тöчыман огыл.
Тарванышнат, мöҥгö кайышна. Кол шÿрым шолтен кочна. Мыят кочкым. Кол шÿр пеш тамле ыле.
Тыге ме шуко колым кучаш полшышна. Шкежат тидлан пеш куанышна.

Субботина Зоя
1964 г.

  К содержанию "Изи годымна"