Титульная

Биография

Фотографии

Воспоминания

Произведения

Вечер памяти


"Колхоз пашаште"


(Сочинения учащихся, в обработке С.М.Кушакова)


Мый колхоз пашаш шагал лектыным. Шукыж годым ачам дене пасушко шогалеш, ÿдаш каем ыле. Авам олмеш каенам.
Икана эрдене умбалне трактор йÿк шоктыш. Мый ачамын тракторжым палышымат, куржаш гына тÿҥалынам ыле, авам кычкырале:
- Тый кушко кает? – манеш.
- Ачам ваштареш куржам, - манам.
- Ок кÿл, - манеш авам.
Тыге мотаен шогымо коклаште ачам толынат шуо. Ачам толят, йодеш:
- Мом ыштеда?
- Ачий, тый кушко кает? – ачийын мутшым пуйто шымат кол.
- Шогалеш, - манеш ачам.
- Нал мыйымат, - мый ойлем.
- Таче ават мия, - манеш.
Мый авам деч йодам:
- Авай, тый таче от кай вет? – манам.
- Таче огым, тый, Маруся, таче шке кай, - манеш.
Мый тидлан пеш куанышым. Пасушто ачам дене курална. Курална, курална, касат лишемаш тÿҥале. Ачам изиш канаш шогале. Очыни, огешат шогал ыле, плугшо мучыштен лектын кодын. Плугым пижыкташ шогале. Пижыктышат, тракторым тарватыш. Кенета трактор йымадне мрек! шоктыш. Ачам тунамак тракторым шогалтыш. Волен ончышна – мераҥын пел йолжым тошкенна. Мераҥым лукмына годым лач бригадир Ильин эрта ыле. Мемнан ужат, толын шогале. Мераҥын йолжем ончен, тудат воштыл колтыш. Ме мераҥым чаманышна да мучыштарен колтышна. Мераҥ окшаклен кудале. Ала тудо тöрлана?



Горшкова Маруся, 6 «б»

  К содержанию сборника "Олыкышто"
Используются технологии uCoz