"Кеҥеж"

Кеҥежым мемнан ялыште моткочак сае!
Мемнан ялна воктен Элнет эҥер йога. Элнет вес могырышто чодра верланен. Тушто тÿрлö пушеҥге кушкеш да сылне пеледыш-влак пеледыт.
Пакча шенгелнынат чодра. Чодра вес вечын олык туҥалеш. Кеҥежым мемнан верыштыже могай сай! Олыкыштат, чодраштыжат коштын шерет ок тем! Йоча-влак кечыгут модыт, пеледышым погат, яндар южышто коштыт, эҥерыште йÿштылыт. Чевер кечыште мöр кÿэш, ме мöрым погена.
Кайык-влакланат кеҥежым моткоч сай! Эрдене тÿгö лектат, тÿрлö-тÿрлö кайык муро дене шке пашашкышт тарванат. Колыштат, теве шÿшпык шке муро семжым лыкын-лукын шÿшкен шергылтара. Турий вуй мучаште чÿчкен мура. Тудо ала-кöм мурен сеҥышашла коеш.
Тÿрлö насекомыят тарванат, кочкышым нунат кычалыт. Теве мÿкш мÿйым погаш ызген эрталеш. Лыве-влак ковыртатен чонештылыт.
Чыла вере сöрале, мотор. Кеҥежлан кеч-можат, кеч-кöжат куанат.

Хытова Алевтина
1964 г.

  К содержанию "Изи годымна"