"Имне дене"

Тунемме ий пытымеке, линейныште школын директоржо кажне тунемшылан 30 трудоденьым ыштен налаш ойлыш. Кеҥежым мый тидым шукташак шонен пыштышым. Олыкыш, пасу пашаш, силосыш чыла вереат шуаш тыршышым. Поснак мыланем скирдовка паша келшыш.
Скирдовкышто мый «Зойка» лÿман имне дене коштым. Тудо пашаште пеш чыр ыле. Но вара конюх чарыш.
- Тудо – вÿльö, нелым шупшыкташ ок йöрö, туж, - мане.
Вара мыланем «Зайка» лÿман имньым пуынеже ыле. Чыланат лÿдыныт, мыланемат шÿмлан шуй! Чучш. Конюх лыпландараш тöча:
- Э-э, тудо, - манеш, - пеш сай. Сайын шупшеш.
Ну и мыят «Зайкамак» кычкышым. Корнышто ме ÿчашен кудалына. «Зайка» писе, но лÿдеш. Корно покшелне иктаж мо коеш гынат, имне ÿмбалне шинчен кертам, манын итат шоно! Налын шуа! А олым копнам шупшеш – кудалме семын кая! Еҥ-влак чарат:
- Имнетым пеш писын ит покто, - маныт.
Мыйже омат покто. Мом ыштет? Имньыжак тугае! «Чшш!» манат – шогалеш, «Но!» манат гын, орышыла кудалеш! Вот могай имне!
Олым копнам шупшыктымаште ÿчашена ыле: кудыжо шукырак нангая? Шижынат ыжна шукто, олым скирдовайыме паша пытыш. Ме пеш шуко скирдым ыштышна. Мемнан бригада Ленин лÿмеш колхозышто первыяк тиде пашам пытарыш. 160 гектарыште уржа олымым поген, скирдоватлышна. Тиде пашаште ме: Солодков Вася, Корнилов Эрик, Володя Минин, Николай Ямулов да мый – эреак имне дене коштна.
Ме тылеч варажат бригадир деч эре йодына ыле:
- Могай паша адак уло мо?
- Уке, - манеш тудыжо. – Тиде пашаландат тыланда кугу тау. Колхоз таум ышта.
Мом ыштет? Мыланна йöрале паша лиеш ыле гын, адак ыштена ыле. А варажым вашке тунемме кечат шуо. Кеҥеж гоч мый шуко пашакечым ыштен нальым, директорын заданийжым шуктышым.

Валерий Кушаков, 8 «б»
1965 г.

  К содержанию сборника "Литератор № 7"