"Чодраште"

Ме икана чодрашке кайышна. Чодраште тымык-тымык. Мый тушто пушеҥге вуйыш кÿзышымат, чучак волен возам ыле. Вара волышым да ала-мо мыланем тоям шуэн колтыш. Мый чодра коклаш куржын колтышым. Тудо пушеҥге гыч волен возын улмаш.
Мый вара шинчым да ончен шинчем ыле. Шоҥшо кия улмаш. Мый шоҥшым картузымш пышташ тÿҥальым. Да шоҥшо пöрдаш тÿҥале. Мый покташ тÿҥальым. Тудо кудалеш. Мый поктем, тудо кудалеш. Мый моштышым да шогальым. Шоҥшо кудал колтыш.
Мый вара кож мöрым кочкам ыле. Волышым, ончем, шоҥшет улмаш. Мый ужын омыл. Мый тоям нальым да шоҥшым лупшальым. Шоҥшо куптырген возо. Мый вара тудым кож коклашке шуэн колтышым.
Вескана иже шонем: «Молан тыге ыштенам? Вет шоҥшо мыланемат, нигöланат нимогай осалымат ок ыште? Колям пытара, ядан кишкым пуштеда, чодраште шуко тÿрлö шукш-копшангым пытара, нунын муныштым кочкеш».
Мый тунам чыла тидым пален омыл ыле. Ынде тек тыге ом ыште. Туныктышо умылтарыш.

Майков Юрий
1964 г.

  К содержанию "Изи годымна"