"Авам алмаштышым"

Икана авам ойла:
- Мый таче пашаш каем, - манеш. Шаньыкым нале да кайыш.
Мый пöртым йытырайкалышым, моло сомылкамат ыштыльым. Шижынат шым шукто, кечывалат шун каен. Авай кечываллан мöҥгышкö тольо.
- Авай, мый ынде олмешет каем мо? – йодам.
- Кае, - манеш.
Мый пеш чот куанышым. Еҥ-влак толмым ончен, шаньыкым нальым да пашаш куржын колтышым. Тунам мемнан шеҥгелнак торфым оптат ыле. Мыят пырля торфым опташ тÿҥальым. Ик машинам, весым пасушко оптен колтена. Канаш шична. Анук акай ойла:
- Кайза, автолавка толын, - манеш. – Пивым, киндым конден.
Кугуеҥ-влак куржын колтышт. Мыят каен ончышым. Мийышна – автолавка уке. Чылан мöҥгеш кайышна. Ончена, яра машина толын шогалын. Писын опташ тÿҥална. Тиде жапыште бригадир Арсик изай тольо, сайремеш волен шинче да кычкырале:
- Тышкырак толза, - манеш.
Меат йырже погынен шогална. Бригадир чыланам, кö пашашке лектын, возен нале. Мыйымат авам шотеш возыш. Кечывал деч вара авам олмеш мый кум машина торфым оптен колташ полшышым.

Сальникова Галя, 6 «б»

  К содержанию сборника "Олыкышто"