"Август тылзыште"

Ик кечын мый пырчым шупшыкташ кайшым. Тиде август тылзыште ыле. Кече пеш сай шогыш. Мый писын пашашке лектым. Шкетын каяш йокрок ынже лий манын, йолташем кычкыральым.
Ынде йолташем ден коктын мутланен-мутланен каена. Пистерыш миен шуна. Але машина-влак уке ыльыч. Изишак гына модаш решитлышна. Трук машина кудал тольо. Шофёржо кабина гыч вуйжым луктат, кычкырале:
- Эй, йоча-влак, пырчым шупшыкташ миеда мо? – манеш.
- Кунам она мий? Миена! – манна.
Писын кузовыш кÿзен шична да пасушко кудал колтышна.
Комбайн лач шога ыле. Мемнан машина комбайн дек миен шогале. Комбайнер комбайн бункер гыч машинашке пырчым йоктара.
Тиде кечын ятыр пырчым ме машина дене шупшыктышна. Кечывал марте куд машина да адак кас марте вич машинам ястарен шуктышна. Чылаже тиде кечын латик машина шурно мемнан дене идымышке пурталте.

Миронов Руслан, 6 кл.

  К содержанию сборника "Олыкышто"